Milan është ndalur në barazim nga skuadra modeste e Beneventos në 2 me 2 në kuadër të Serie A.

Kjo ishte edhe ndeshja e parë zyrtare e Genaro Gatussos si kryetrajner i Milanit.

Milani ishte duke fituar deri në minutën e fundit të takimit me rezultat 1 me 2 dhe ishte afër fitores por kështu nuk mendoi portieri i skuadrës vendase, Alberto Brignoli.

Brignoli iu bashku bashkëlojtarëve të tij në sulm në aksionin e fundit të ndeshjes, dhe shënoi me kokë nga korneri për të barazuar rezultatin 2 me 2.

“Jo se nuk besoja se do të shënoja, por kishte një probabilitet shumë të vogël që të bëja diçka të tillë”, deklaroi ai pas ndeshjes.

“Jam i kënaqur për të gjithë, por më veçanërisht, për presidentin, që na ka qëndruar gjithmonë pranë. 30 sekondat e fundit? Nga stoli më thanë që të shkoja tek porta e Milanit. Unë shkova, mbylla sytë kur pashë topin që po vinte unë kërceva si portieri, jo si një sulmues, dhe realizova një gol të çmendur”, deklaroi Brignoli.

/arbresh.info/